Se o tempo o permite, hoxe daremos comezo a unha nova edición do programa "Traballando pola Igualdade no CEP de Ventín" neste caso adicado a traballar por un patio coeducativo e inclusivo no CEP de Ventín.
O patio é un lugar fundamental para a socialización dos nenos e nenas, e como tal temos que coidalo e adaptalo para que sexa un lugar onde se establezan as bases para a formación de relacións igualitarias nas e nas que se inclúa a todo ao alumnado.
Levamos xa semanas traballando co centro no plan de traballo que constará de catro fases para a súa implementación no centro (podedes velas detalladas máis abaixo).
Hoxe daremos comezo ás sesións de traballo co alumnado que se realizarán os luns e mércores durante o recreo. No caso do alumnado de 2º, 4º e 6º os luns e o de 1º, 3º e 5º os mércores. Nas sesións dinamizarase o patio por medio de xogos co obxectivo de inculcar os valores do plan.
Esta semana comezaremos con xogos dinámicos e nas seguintes semanas haberá xogos populares, xogos tranquilos e xogos multiculturais.
Lembrade preguntarlles que tal a actividade e podedes enviarnos as vosas opinións e comentarios.
Agardamos que vos guste a iniciativa!!
